Mae’r symbol a elwir yn drisgel yn filoedd o flynyddoedd oed. Gall enghreifftiau edrych yn wahanol iawn i’w gilydd ond mae gan bob trisgel dair cangen sy’n union yr un fath o amgylch canolbwynt, fel deilen feillion. Roedd y rhain yn bwysig iawn mewn Celfyddyd Geltaidd ac fe’u gwelir ar gerfiadau carreg, mewn llyfrau goliwiedig ac ar waith metel. Oherwydd bod ganddynt gymesuredd cylchdro, maent yn edrych yr un fath wrth ichi eu troi.