Rydyn ni gyd yn gwybod bod papur newydd yn wan. Mae’n llipa iawn ac yn hawdd i’w rwygo. Felly, allwch chi greu stôl o bapur newydd? Gallwch, ond ichi ddefnyddio siapau cryfion.
Y siâp cryfaf yw’r triongl. Fel arfer, mae’r tu mewn i doeau wedi eu creu o drionglau. Mae tiwbiau yn gryf iawn hefyd. Fe’u defnyddir i adeiladu pontydd. Os ewch chi ati i greu trionglau gyda thiwbiau, gallwch adeiladu stôl o bapur newydd.