Roedd Cedric Morris yn hoffi gweithio’n naturiol ac yn reddfol. Ni fyddai fyth yn cynllunio ei luniau. Ond roedd ei ‘lygad’ am yr hyn oedd yn gweithio’n dda mewn paentiad yn aml yn arddangos y gymhareb euraidd. Mae gan Caeharris Post Office nodweddion cryfion ar yr adran euraid. Y nodweddion fertigol yw: ar y dde, yr arwydd ffordd a’r simnai uwchben, ac ar y chwith y goeden ganol a’r adeilad brics coch. Y nodweddion llorweddol yw: yn yr adran isaf y cysgod o dan y toeau, ac yn yr adran uchaf grib y to ar y chwith, y llinell yn yr adeilad brics coch a chrib y simnai fer.